Petri Andreae Matthioli

Commentarii in libros sex
Pedacii Dioscoridis de medica materia
1554

trascrizione di Fernando Civardi - transcribed by Fernando Civardi

Liber secundus
pagina 290

	162 - Arum

Si raccomanda l'opzione visualizza ->  carattere ->  medio del navigatore
The navigator's option display ->  character ->  medium is recommended

[GR] = greco

arida per se, decocta manduntur. Radix, semen, et folia dracunculi vires habent. Privatim radix ex fimo bubulo podagris illinitur. et dracunculi more reponitur. In totum, ob mitiorem eius acrimoniam, in cibum expetitur.

[Ari consideratio.] ARUM in Hetruria frequentissimum provenit, in campestribus, in vineis, in scrobium marginibus, et passim in semitis propter sepes, praesertimque in maritimis nostris Senensibus, ubi vulgo ipsum vocant Gigaro ad Iarum alludentes: quo modo officinis Arum corrupto vocabulo appellari solet. Nostrates mulieres ex Ari radicibus stillatitias aquas ad fucum parant, quas ad faciem erugandam, illustrandamque magnis laudibus efferunt. Id quod etiam efficaciter praestat insolatus radicum succus, cerussae speciem referens, quem Gersa vulgo nominant: is siquidem mirum in modum carni splendorem, et candorem conciliat. [Ari vires ex Galeno.] Ari vires memoriae prodidit Galenus lib. VI. simp. med. ubi ita scribit. Arum terrena essentia constat, sed calida: proinde extergendi vim possidet, verum non valentem, sicut dracontium. Est itaque in exiccando, et calefaciendo primi ordinis. Radices eius maxime sunt utiles: siquidem comesae crassitiem humorum mediocriter incidunt, adeo ut et axcreationibus ex pectore idoneae sint: sed magis tamen aptum est dracontium. Et lib. II. de aliment. facult. sic inquit. Ari radix api modo manditur. In quibusdam autem regionibus acrior quodammodo nascitur, ut dracontio fere similis sit. Dum recte parare voles, prioris decoctionis aqua effusa, repente in alteram calidam iniicere convenit. Cyrenis contra, quam in nostra regione Arum se habet: nam illic minimum medicamentosi, minimumque acrimoniae possidet, adeo ut vel rapis sit utilius. Idcirco radicem quoque in Italiam comportant, ut quae absque ut putrescat, aut regerminet, longo tempore perdurare possit.

	162 - Arum