Petri Andreae Matthioli

Commentarii in libros sex
Pedacii Dioscoridis de medica materia
1554

trascrizione di Fernando Civardi - transcribed by Fernando Civardi

Liber tertius
pagina 427

	154 - Ascyrum ~ 155 - Androsaemon

Si raccomanda l'opzione visualizza ->  carattere ->  medio del navigatore
The navigator's option display ->  character ->  medium is recommended

[GR] = greco

Cap. CLIIII
Ἄσκυρον – ASCYRUM

ASCYRON, sive ascyroides, hiperici genus est, magnitudine distans, fruticosius, maiores habens ramos, surculosiores, rubentesque: folia tenuia: flores luteos, et fructum resinosum, hyperico non absimilem: cuius attritu digiti fere cruentantur, qua de causa androsaemon vocavere. Usus seminis ad ischiadicos, potum in hydromelitis sextario: nam biliosa recrementa amplissime detrahit. sed assidue dare oportet, donec sanitati restituantur. Illinitur et ambustis efficaciter.

Cap. CLV
Ἀνδρόσαιμον – ANDROSAEMON

ANDROSAEMON ab hyperico, ascyroque differt, quod fruticet ramulis surculosis, ac tenuibus: rubentibus virgis, et foliis rutae, triplo aut quadruplo maioribus, quae trita vinoso succo manant. complures alas habet in cacumine, utrinque expansas, pinnatasque: circa quas flores pusilli, lutei: et in calyculis semen papaveris nigri, insigne lineis. Huius comae tritae resinosum odorem reddunt. Semen tritum drachmis duabus potum, biliosa alvi excrementa pellit. ischiadicis maxime medetur: sed a purgatione aquam exorbere oportet. Herba ambustis illita medetur, et sanguinem cohibet.

	154 - Ascyrum ~ 155 - Androsaemon