Conradi Gesneri

Historiae animalium liber III qui est de Avium natura - 1555

trascrizione di Fernando Civardi - transcribed by Fernando Civardi

	5

Si raccomanda l'opzione visualizza ->  carattere ->  medio del navigatore
The navigator's option display ->  character ->  medium is recommended

CATALOGUS (cancellatura su DOCTORUM) VIRORUM,  QUI
AD ABSOLVENDAM AVIUM HISTORIAM
liberalissime nos adiuverunt.

Aegidius Tschudus Claronensis, vir illustris.
Guliel. Rondeletius, medicus, in Schola Montpeliensi professor regius, cuius nuper doctissimi absolutissimique de piscibus libri prodiverunt.
Hieronymus Zanchus Italus, theologiae et philosophiae interpres in Schola Argentinensi.
Hierony. Massarius Vicentinus medicus.
Melchior Guilandinus Borussus medico.
Ioannes Caius Anglus medicus.
Ioannes Drylander, medicus et professor in Academia Marpurgensi.
Leodigarius Grimault Normannus.
Ludovicus Lavaterus Tigurinus,(cancellatura su Eccles.....)
Nicolaus Dalonville dioecesis Charnoten.
Raphael Seilerus Augustanus  CL.  V.  Geryonis Seilari medici  F.
Thomas Erastus Helvetius medicus.
Ulysses Aldrovandus Bononiensis medicus.

Et praeter hos aliis in primo et secundo libro a me nominati, tum ab initio librorum, tum etiam cum iconibus, descriptionibus vel historiis quas singuli communicarunt, ex diversis Germaniae, Galliae, Angliae et Italiae regionibus ad me missis. Scio etiam in Hispaniis, in Dania et remotioribus ad Septentrionem Scandinaviae locis, multos esse doctissimos viros ad quos fortassis nostri quoque libri deportantur: quorum si quis liberalitate ac benevolentia sua me prosequi, ac laborinbus nostris favere dignabiturinae ille et mihi alacritatem et stimulum ad reliquos de aquatilibus, serpentibus et insectis libro citius absolvendos addiderit, et publicum in promovenda hac naturae historia beneficium praestiterit. Rogo itaque doctos omnes in remotissimis regionibus, qui in hos libros inciderint, primum ut aequos et benignos censores se nobis exhibeant, deinde si quid ad eos conferre possunt, id candide, liberaliter matureque ut faciant. Quod si quis non multa docere aut communicare possit, illum utcunque pauca, et vel unum aut alterum quippiam duntaxat nobis praestitisse, gratissimum fuerit. Scribendi quidem mittendique occasio non deerit, per mercatores praecipue, qui magna emporia frequentant, Antuerpiam, Venetias, Lugdunum, Francfordiam et alia, ad quae etiam maiorum Germaniae nostrae civitatum mercatores adire solent, per quos curari et transmitti ad me facile poterit quicquid acceperint. Ego quoque eadem via ad viros doctos et liberales, quorum nomina et voluntatem cognovero, tum scribendo, tum si quid desiderarint mittendo gratum me declarare potero.

	5